NLW MS. Peniarth 11 – page 222r

veir. ac nat oed chweith ovyn nac argyssỽr arnunt. A charu

duỽ a|e anrydedu a|wneynt. a marchogaeth a|wnaethant ỽy y  ̷+

ny|doethant y fforest uaỽr. ac yno y|doethant yn|agos y|r|lle y dy+

lyei laỽnslot vynet y gywiraỽ y|lỽ. am y marchaỽc o|r dinas at+

ueiledic. Ac yna y|dywaỽt ef y arthur kỽbyl o|r damchwein. ac y

bydei reit idaỽ vynet yno o·ny bydei gelwydaỽc. Ac yna marcho+

gaeth a|wnaethant. yny doethant y le yr|oed yr holl ffyrd yn|ym+

gynnuỻaỽ y·gyt. Arglỽyd heb·y|laỽnslot reit yỽ ymi vynet y

gywiraỽ vyng|cret. ac ym perigyl arglỽyd ny wnn i a welaf|i dy+

di vyth beỻach. kanys mi a|ledeis penn marchaỽc yn|y dinas

racko megys y bu reit ym dyngu kynn y varỽ ef ar dyuot yno

yn|y kyfryỽ antur y lad vym|penn. megys y roes ynteu y benn

y|minneu o|e lad. ac ny mynnaf|inneu arglỽyd vy ffaelu na|m

bot yn ffals dros odef angeu ar vyng|corff. ac os duỽ a vynn vyn

diangk i yn vyỽ mi a|deu·af ar d|ol di gyntaf ac y gaỻỽyf. Ac yna

y brenhin a|aeth dỽylaỽ mynỽgyl idaỽ ac o|e gussanu. dan wediaỽ

duỽ ar vot yn iachwyaỽdyr o|e eneit a|e gorff. a|e gadỽ rac ang+

heu ual y geỻynt ymgaffael yn|ehegyr. Laỽnslot a|archassei ~

annerch y vrenhines yn ỻawen. pany|bei rac tybyeit o arthur

neu walchmei ar·naỽ amgen no da. Y charyat hi eissyoes a|oed

gỽedy gwreidyaỽ yn|y gaỻon ef yn|gymeint ac na|aỻei y hesgussaỽ. ~

M archogaeth ueỻy yn uedylgar ac yn|drist a|oruc laỽns+

lot yny|oed agos y hanner dyd. ac yna y|doeth ef y|r di+

nas atueilyedic. a|r dinas yn gyn wacket. ac yn gyn|diffeithet

ac y gỽelsei ef o|r blaen. A|gỽedy y|dyuot hyt y ỻe y ỻadyssei ef

penn y marchaỽc. ny bu hir y bu ef yno pan gigleu cri maỽr