NLW MS. Peniarth 11 – page 269v
Ystoriau Saint Greal
269v
gỽas ny deuy di y|r casteỻ hỽnn. Paham vnben heb·y pare ̷+
dur. Arglỽyd heb y gỽas mi a|e|dywedaf ytt. cristaỽn ỽyf|i ~
megys titheu. ac ef a|m roet i yn|y penyt hỽnn ac y warch+
adỽ y porth mal y gỽely di. ac nyt oes yn|yr|hoỻ vyt casteỻ
greulonach no hỽnn yma. a|phaỽp o|r wlat a|e geilỽ y casteỻ
candeiryaỽc. kanys yma y|mae trywyr tec ieueinc. ac yr
aỽr y gỽelont ỽy gristaỽn ỽynt a|ant o·dieithyr eu synnw+
yr ac yn gyndeiryaỽgyon hyt nat oes dim a|aỻo parhau
yn eu|herbyn. Y·gyt a|hynny y mae yma morwyn ieuanc
deckaf o|r byt. a honno a|e gỽeircheidỽ ỽy yr aỽr y kandeiryo ̷+
cont. ac y mae arnunt ỽy y hovyn hi yn|gymeint ac na
lyuassant torri y gorchymynneu. a phany bei y bot hi a
diueynt lawer o|dynyon. ac am vy mot i ual hynn yr
ys|talym ny chwyfant ỽy ỽrthyf|i. a ỻawer cristaỽn a|doe+
th yma heb vynet yr vn dra|e|gevyn vyth. A vnben heb·y
paredur myui a|af y myỽn os gaỻaf. kanys ny wnn i he+
no beỻach y ba le yr|af. ac ygyt a hynny gobeith yỽ gennyf
bot yn gadarnach duỽ no diaỽl. ac y|myỽn y doeth ef ac
ym|perued y plas y disgynnaỽd. Yr unbennes a|oed ar un
o ffenestri y neuad ac a|doeth y|waeret. ac yr aỽr y gweles
hi baredur hi a|adnabu panyỽ cristaỽn oed achaỽs y gro+
es a oed ar y daryan. a hi a|dywaỽt. arglỽyd heb hi yr duỽ
na dabre di yma y|myỽn. kanys y maent yn y neuad yma
yn gỽare y tri gỽeis teckaf o|r a|weles neb eiryoet. ac y|ma+
ent
| « p 269r | p 270r » |