Breudwd Welsh Prose 1300-1425
Cymraeg

NLW MS. Peniarth 11 – page 9r

Ystoriau Saint Greal

9r

1
ac ar hynny wylaỽ a|oruc ef. Ac yna kymeint vu ovyn ar+
2
thur ar walchmei ac na beidyaỽd y atteb rac mor lidiaỽc
3
y gỽelei. Ac yna y dywaỽt arthur. arglỽyd iessu|grist heb ef
4
ny thebygassỽn i vyth vyng|gỽahanu a|m kedymdeithyon a
5
danuonassut im. Ac ueỻy ymdidan a|orugant yny gyfodes yr
6
heul. ac yny ostynghaỽd y gỽlith. ac yny yttoed y ỻys yn|ỻenỽi
7
o|r barỽnyeit. Ac yna y vrenhines a|doeth y|r neuad. ac a|dywaỽt
8
ỽrth y brenhin. arglỽyd heb hi y mae kỽbyl o|r barỽnyeit y|th
9
aros y vynet y warandaỽ offeren. Ac yna kyuodi a|orugant
10
ac yd oed baỽp yn baraỽt yna. a gỽedy eu|dyuot y|r eglỽys gỽ+
11
arandaỽ offeren a|wnaethant yn|eu|harueu o·nyt eu penneu
12
yn noeth. a mynet y offrỽm a|orugant. A gỽedy daruot yr|offe+
13
ren yna brenhin bandymagus a|dywaỽt ỽrth arthur. Arglỽ+
14
yd heb ef kann kymerassam ni arnam hynn o|hynt heb aỻel
15
peidyaỽ a|hi. mi a|gynghorỽn dỽyn y creiryeu yma y beri
16
y|r kedymdeithyon dynghu yn|diannot yr eynt y gynnal
17
eu pererindaỽt. yn ỻawen heb yr arthur a gỽneỽch chỽithev.
18
na y perit y|r yscolheigyon dỽyn y creiryeu; a|r brenhin a
19
elwis ar walchmei. ac a|dywaỽt ỽrthaỽ. Tydi gyntaf heb
20
ef a|roes yr ovunet honn. ỽrth hynny tỽng ditheu yn gyn+
21
taf. Yna y brenhin bandymagus a|dywaỽt. Arglỽyd heb
22
ef ual y|bo iach dy ras ygyt a|thii nyt euo gyntaf a|dỽng.
23
namyn y neb a|rodes duỽ yn arglỽyd ac yn veistyr arnam
24
yn yr|hynt honn. nyt amgen no galaath. A|phan darffo i+
25
daỽ efo dyngu. ninneu a|e tyngỽn gỽedy ef. ~
26
A C yna galaath a|elỽit; ac ynteu a|doeth. ac a|ostyngaỽd