NLW MS. Peniarth 190 – page 65
Ystoria Lucidar
65
adeu. pryfet a|e gỽeresgyn ỽynt yng|go ̷+
gofeu uffernaỽl. Odyna y dywedir wynt
a|dygant eu dydyeu yn|da. ac a|disgyn+
nant y uffern. ar ennyt pỽynt bychan.
Y rei a|dywedy di ac a|wenny* eu bot yn
da ny chyferuyd ac ỽynt y ryỽ anghy+
mỽynasseu hynny. tebic ynt ỽy y|r
neb a|archwaedei bryfet neu lysseu
chwerỽ. a gỽedy hynny gỽell vydei
vlas y gỽin. ac yn ỻe eu carchar* ỽynt
yman y drychefir y bebyỻeu tragywyd.
a thros eu hamarch ỽynt yman y kaffant
ỽynteu gogonyant rac ỻaỽ. a ỻewenyd
dros eu heisseu yman. Ny byd arnadunt
na newyn na sychet gỽedy hynny vyth.
ac am eu govit yman ny byd arnadunt
na dolur na chỽynuan. ac ueỻy y profir
bot y rei gỽirion yn gyuoethaỽc ac yn
wynuydedic vyth. a|r rei ennwir yssyd
eissiwedic a thruein. discipulus Pa le y byd teilyng+
daỽt Magister Y gan duỽ y mae pob teilyngda+
ỽt.
| « p 64 | p 66 » |