NLW MS. Peniarth 32 (Y Llyfr Teg) – page 219
Llyfr Iorwerth
219
weith yn|y erbyn yg|kyfreith; a dyweit nat safedic
a wneler trỽy gymheỻ; kanys kystal yỽ kym+
heỻ a threis. ac ual y dyly treis y heturyt tra+
chefyn; veỻy y dyly y peth a wneler trỽy gymheỻ
y ymchoelut trachefyn. O|deruyd. gyrru ỻedrat ar
dyn. a chyn dyuot oet y reith marỽ y dyn. ac
a daỽ da o·honaỽ. a bot yr arglỽyd yn mynnu
y da kanny chafas y reith; kyfreith. a dyweit dylyu
o|r arglỽyd y da hyt yn oet seith punt. kanys
hynny a dylyei o·ny chaffei y reith. Os mỽy
a vyd o da idaỽ ynteu no seith punt; y adaỽ o|e
blant y dalu y daeret a|e dylyetyon. O|deruyd nat
adaỽho ynteu da. a mynnu o|r arglỽyd holi y
uab am y da hỽnnỽ. kanny chafas y reith; kyfreith.
a dyweit na dylyir am ledrat. namyn y ỻofrud
ỽrth y grogi. ac ny dylyir barnu reith ar neb
namyn ar y neb y gyrro perchennaỽc arnaỽ.
a chan·ny yrraỽd y perchennaỽc dim ar vab y
dyn; dihaỽl yỽ ynteu o reith y|dat. O|deruyd. daly ỻe+
drat yn ỻaỽ aỻtut mab uchelỽr. a chyn ymrodi
yg|kyfreith. y didor. ac odyna nat ymrodei yg|kyfreith. a bot
yn gymeint y ỻedrat ac y|d·ylyei bot yn eneit+
uadeu amdanaỽ. ac eissoes ỽrth nat ymryd
yg|kyfreith. bot yr arglỽyd yn mynnu y da y gan
yr uchelỽr yssyd arglỽyd ar yr aỻtut. a|r uch+
elỽr yn mynnu diffryt y|da onyt kyfreith. a|dyweit
| « p 218 | p 220 » |