NLW MS. Peniarth 32 (Y Llyfr Teg) – page 53
Llyfr Iorwerth
53
1
uyn y|r mach. a wyt uach di. ỽyf heb y mach. Kỽ+
2
byl wat heb y kynnogyn nat ỽyt uach di y gen+
3
nyf|i nac ar hynny nac ar dim. Dioer heb y
4
mach ual y mae goreu y|dyly mach hebrỽg y vot
5
yn vach myui a hebrygaf vy|mot yn uach. Di+
6
oer heb y kynnogyn ual y mae goreu y|dyly
7
kynnogyn wadu mach minheu a|th wadaf di.
8
Yna y mae iaỽn y|r ygnat edrych pa delỽ y mae
9
iaỽn gỽadu mach. Sef a dyweit kyfreith. kanyt oes
10
namyn vn tauaỽt y mach yn gyrru arnaỽ ef.
11
na|dyly namyn vn tauaỽt y kynnogyn y|wadu.
12
Je heb y kynnogyn minneu a|th wadaf di. Yna
13
y|mae iaỽn y|r ygnat kymryt y creir yn|y laỽ; a|dy+
14
wedut ỽrth y kynnogyn. naỽd duỽ ragot a naỽd
15
pab ruuein. a naỽd dy arglỽyd nat elych yn ỻỽ
16
cam. Os tỽng ynteu; tynget y duỽ yn|y blaen
17
ac y|r creir yssyd yn ỻaỽ yr ygnat nat mach ef y
18
ganthaỽ ef nac ar a|dyweit nac ar|dim. Ony
19
ỽrthtỽng y mach arnaỽ; bit ryd y kynnogyn o|r
20
haỽl. a|thalet y mach kỽbyl o|r dylyet y|r haỽlỽr.
21
Os ef a|wna y mach gỽrthtỽng ar y kynnogyn;
22
gỽrthtynghet tra vo y kynnogyn yn rodi y eneu
23
y|r creir gỽedy tyngho. ac ysef ual y gỽrthtỽng.
24
Myn y creir yssyd yna mach ỽyf|i y genhyt ti ar yr
25
hynn a|dywedeis i. ac annudon a tyngeist ti. ac
26
ỽrth y gỽrthtỽng ry wneuthum i arnat ti; mi a ̷ ̷
« p 52 | p 54 » |