NLW MS. Peniarth 32 (Y Llyfr Teg) – page 84
Llyfr Iorwerth
84
ỽydaỽl o|e warchadỽ. Os adaỽ y maes a|wna yn+
teu yn agkyfreithaỽl; y diuarnu yn oes yr arglỽyd
bieiffo y maes y dyd hỽnnỽ. kanys ny eing
ym|bro ny bo ỽrth wir. Py amdiffynnỽr byn+
hac a|safo ganthaỽ kyghaỽs a chanỻaỽ ac ef
e|hun yn|drydyd. a|cheissaỽ oet ỽrth borth o·hon+
aỽ. Ny|dyly y gaffel; kanys hynny o dynyon yỽ
porth kyfreithaỽl. Ny dyly kyghaỽs a chanỻaỽ seuyll
y·gyt a neb am haỽl a uo ỻei no chywerthyd
trugeint. neu am tir a daear a march ac eidon.
Ereiỻ a dyweit na dyly neb kyghaỽs a chan+
llaỽ am haỽl aryant ac yscrybyl. Ryd yỽ teruy+
nu bop amser. Nyt kaeedic kyfreith. am dir eglỽys
un amser y·rygthunt e|hun; kan·ny henyỽ oc
an kyfreith. ni. O holant ỽynteu nyni. neu ninheu
ỽynteu; kaeedic vyd.
M al|hynn y dyly brodyr rannu tir a|daear
y·rygthunt; pedeir erỽ ympob tydyn.
A|gỽedy hynny y symutaỽd bledyn uab kyn+
uyn; deudec erỽ yr mab uchelỽr. ac ỽyth yr|mab
eiỻt. ac eissyoes kadarnhaf yỽ mae ỽyth erỽ
yr mab uchelỽr. a|phedeir erỽ yr mab eiỻt. Messur
yr erỽ kyfreithaỽl yỽ; pedeir troetued yn hyt y verr+
ieu. ac ỽyth yn hyt y veieu. a|deudec yn|y ges+
seilieu. ac vn ar|bymthec yn|yr hirieu. a gỽia+
len kyhyt a honno yn ỻaỽ y geilwat. a|r ỻaỽ
| « p 83 | p 85 » |