NLW MS. Peniarth 33 – page 142
Llyfr Blegywryd
142
hitheu goỽc* ẏn erbẏn ẏ|gỽr.
P Vnt ẏỽ; gỽerth gỽestua br+
enhin. wheugeint dros ẏ
vara. A|thrugeint dros ẏ|llẏn. A ̷
hẏnnẏ onnẏ thelir ẏ|westua ẏn am+
sseraỽl. Messur guestua brenhin ẏỽ
pỽn o|vlaỽt gỽenith. A|chic ẏch. a
seith dreua o|geirch vn rwẏm. A|do+
gẏn o|uel ẏn vn gerwẏn. Naỽ dẏr+
nued vẏd vchet ẏ|gerwẏn. pan ves+
surer ar|wẏr. o|r cleis draỽ ẏmẏl ẏ+
ma. A|phedeir ar|hugeint ariant. on+
nẏs rẏdha ẏ|breint ẏ|r|talaỽdẏr. Gw+
erth kerỽẏneit ved a|dalher ẏ|r bren+
hin. ẏỽ. whugeint*. A|chẏmeint ẏ|dẏl+
ẏ|gerỽẏn vot ac ẏ gaỻo y|brenhin a|e
heneuẏd eneinaỽ ẏndi. A|r cỽẏr a|rennir
ẏ* |tir* rann. ẏ|traẏan ẏ|r brenhin. A|r
traẏan ẏ|r neb a|e gwnel. A|r traẏan
ẏ|r neb a|e rodho. O|r tref rẏd ẏ|bo ma+
er. neu gẏgkellaỽr ẏndi med a|telir
Onnẏ cheffẏr med. dỽẏ gerỽẏneit o
vragaỽt a|telir. Onnẏ cheffir ẏ bra+
gaỽt. pedeir o|gỽrỽf a|tẏlir*. ~ ~ ~ ~ ~ ~ ~ ~
| « p 141 | p 143 » |