NLW MS. Peniarth 33 – page 50
Llyfr Blegywryd
50
ẏr eglỽẏs. Archet ẏr offeirat idaỽ ẏna ẏr duỽ
na dẏwetto kelwẏd ỽrthaỽ. O|r tỽg ẏno na ̷
dẏwedit namỽẏn gỽẏr. tẏghet ẏ|kẏffelẏp ar
drỽs ẏ|ganghell. a|r trẏdet weith vch ben ẏr a+
llaỽr. Os gwatta ẏ|dẏn kẏlus gỽedẏ hẏnnẏ.
kadarnhaet ẏr offeirat ar|i |eir teir gỽeith. Ac os
gwatta ẏ|dẏn ẏna. tẏghet ẏr offeirat* |ỽn weith
gwelet ẏ|managỽr. a|e|glẏbot ẏn kadarnhau
ẏ|ỽanac trỽẏ tỽg ẏnn|ẏ mod ẏ|gwnaeth.
Ac odẏna nẏ|ellir gỽat ẏn erbyn hỽnnỽ. A
hỽnnỽ ẏỽ dogẏn ỽanac. NẎ|ellir kyrch kẏ+
hoedaỽc o|lei no naỽ|wẏr. ẏ|wadu kẏrch kyho+
edaỽc; ẏ|rodir llỽ degwer* a|deugeint. ~ ~ ~ ~
P ỽẏ|bẏnnac a|gỽẏnho ẏn sẏuedlaỽc rac
dẏn o dadẏl gẏr bron braỽdỽr; ẏnn|ẏ
lle ẏ|kymhellir ẏr amdiffẏnnỽr ẏ|atteb. kan ̷+
nyt oes oet ẏdaỽ ẏg*|kyfreith honn. Pan ̷ ̷
dangosso ẏ|cỽẏnnỽr ẏ|haỽl. onnyt atteb ẏr
amdiffẏnnỽr idaỽ heb ohẏr. ẏ cỽẏnnỽr a|dẏ+
lẏ galỽ tẏston. a|thẏstu na wadỽys ẏ|llall
dim. Odẏnna aent ẏ|brawtwẏr ar neilltu
am ẏ dadyl honno. Ac gouẏnent* deuwẏr
at ẏ|cỽẏnnỽr ẏ|ouyn idaỽ pỽẏ ẏ|tyston a
enỽaỽd. a|pheth a|tẏstỽẏs vdunt. Pan
| « p 49 | p 51 » |