NLW MS. Peniarth 36A – page 30r
Llyfr Blegywryd
30r
dylyet. o rodi cussan heb vn
or deu ereill. Or kyttya gỽr a gỽreic gỽr
arall. talet idaỽ y sarhaet
dan y hardrychafel vn weith. kanys o
genedylyaeth elynyaeth yỽ. Dros ovys ̷+
syaỽ y telir sarhaet heb drychafel. Dros
gussan. trayan y sarhaet a uyd eisseu.
kany bu weithret cỽbyl y·rydunt nac
o tỽyllofeint idi na phy| wed bynhac y
rodet y cussan. Y neb a gussano gỽreic
gỽr arall talet petwared ran y sarhaet.
Ac velly or gofyssyaỽ. onyt y|gware. yr
hỽn a| elwir gỽare raffan. neu yg|kyfedach.
neu pan del dyn o pell. y neb a| wnel cỽbyl
weithret. cỽbyl sarhaet a tal. Gronỽ ab
Moridic a dywedei na dyly gỽr yr bot gan
wreic gỽr arall ar wreic yn da genti talu
dim idaỽ. tra ganmolo hi y gỽeith ̷+
ret. Ac or byd honheit y gỽeithret. y| wreic
a dyly talu y sarhaet yr gỽr. neu y gỽr ae
gỽrthotto yn ryd. Or dỽc gỽr wreic yn
llathrut. a mynet gyt a| hi y ty vchelỽr.
| « p 29v | p 30v » |