NLW MS. Peniarth 36B – page 60
Llyfr Blegywryd
60
yssyd idaỽ. Eil yỽ hyd brenhin. pỽy
bynhac a wnel cam ymdanaỽ. Tryt ̷+
yd yỽ a·bo bleid y|neb a|wnel cam
ymdanaỽ. Tri pheth a tyr ar gyf ̷+
reith; amot. a defaỽt gyfiaỽn. ac
agheu. Tri edyn ny dylyir eu llad ar
tir dyn arall heb y ganhat. eryr. A
garan. a chicuran. y neb ae llatho
talet dec a deu vgeint aryant y per* ̷+
chenhaỽ y tir. Tri pheth or keffir
ar fford nyt reit atteb y|neb o·hon ̷+
unt. Pedol. a notwyd. a cheinhaỽc.
Tri dyn ny dyly y|brenhin eu gỽ+
erthu. lleidyr gỽedy barnher yr
groc. a chynllỽynỽr. a bradỽr arglỽ ̷+
yd. Tri enỽ righyll yssyd. gỽaed
gỽlat. a garỽ gychwedyl gỽas y kyg ̷+
hellaỽr. a righyll. Tri ergyt ny the ̷+
lir dim ymdanunt. Y garỽ yn yt.
ac y gi yn yt. Ac y ebaỽl gỽyllt yn yt.
| « p 59 | p 61 » |