NLW MS. Peniarth 37 – page 63v
Llyfr y Damweiniau
63v
ffo y kỽn diflin O deruyd y fordaỽl
y ar y ford gwelet gỽydlỽdỽn a bỽ+
rỽ ergyt idaỽ a maen neu a saeth ae
uedru; Jaỽn yỽ idaỽ y erlit yny god+
diwedho. Ac nyt iaỽn idaỽ y saethu
nae ymlit onys meder y ar y ford.
O deruyd y dyn hely pysgaỽt ae ky+
uodi o·honaỽ ae hymlit. Ac ar y ym+
lit ef mynet y pysc yn rỽyt arall. O
kyfreith. y kyntaf ae kyuodes bieiuyd. O deruyd.
y dynyon wneuthur ammot am pys+
gaỽt yn eu hely. heb y neill y pysc
kyntaf a| ladher y mi. Heb y llall y di+
wethaf a| ladher y minheu ac na lad+
her namyn un pysc. kyfreith. a dyweit y+
ny bo kyhyded dylyu rannu deu| hanner.
O deruyd. y dynyon hely pysgaỽt ac yn| y
hely dyuot dynyon ỽrth eu llad. Ac
| « p 63r | p 64r » |