Breudwd Welsh Prose 1300-1425
Cymraeg

NLW MS. Peniarth 38 – page 40v

Llyfr Blegywryd

40v

y|r prynỽr. Y neb a varchocco march dyn arall heb
y|ganhat; talet y|r perchennaỽc pedeir keinhaỽc escyn
a|phedeir discyn. a|phedeir dros pop rantir y kerdho
drostaỽ. a camlỽrỽ y|r brenhin. Y neb a|differho ma+
rch rac llatron; pedeir keinhaỽc a|dyly ef y gan y per+
chennaỽc ygkyfeir pop buch a dalei y march pei
gỽerthit. Y neb a venffyccyo march y arall hyt yn
lle enỽedic; o|r a y|dyn y le arall a vo pellach ac ef. talet
y|r perchennaỽc hanher yr ennill a gaffo o vyỽn hynny.
Y neb a|gymero benffic march a llygru y gefyn hy+
ny dygỽydo y bleỽ. yn hagyr; talet pedeir keinhaỽc
kyfreith. y|r perchennaỽc. O|r hỽyda hagen y gefyn o atlo
henllỽgyr a|thorri croen hyt y kic. ỽyth keinhaỽc. kyfreith.
a|tal. ac|ony byd henllỽgyr arnaỽ a|thorri croen a|ch+
ic hyt askỽrn. vn ar pymthec kyfreith. a|tal. Y neb a
vynho lliỽaỽ lledrat yn gyfreithaỽl; dyỽedet ỽe+
let y dyn o|r pan vo goleu y dyd hyt pryt kyflychỽr
a|r lledrat gantaỽ. a|thyget uch y*|pen|reith. ac na|s dy+
ỽaỽt nac o gas nac o digassed nac yr gỽerth. nac