NLW MS. Peniarth 46 – page 275
Brut y Brenhinoedd
275
athoedynt y|myỽn ynyssoed oed yn llynn
llumonỽy y|keissaỽ diogelỽch o|r lle cadarn+
haf hỽnnỽ. canys yn|y llỽynn hỽnnỽ y|mae
trugein ynys. a|thrugein auon a|daỽ idaỽ.
ac ny ret un ohonu namyn un. ac y|myỽn
yr ynyssed hynny y|mae trugein carrec a|ny ̷+
yth eryr ympob carrec. ac un ỽeith pob blỽy+
dyn yd ymgynnullant ygyt yn|yr amsseroed
hynny. ac y|dangossynt ar|y llysseu y|damỽe+
ineu a|delhei y|r teyrnnas hyt ympenn y|ulỽ+
ydyn. a hyt y|lle hỽnnỽ y|foyssynt y|bopyl
honno. ac ny dygrynoes udunt. canys cas+
glu llogeu a|oruc arthur. a|e kylchynu. a|e
gỽarchae uelly pytheỽnos yny uu ueirỽ hyt
ar uiloed ohonunt o|neỽyn. ac ual yd oed ̷+
dynt uelly nachaf gillamỽri urenhin iỽer+
don a|llyges uaỽr gantaỽ yn dyuot. yn borth
y|r genedyl truan honno yd oedit yn|y gỽar+
chae. Sef a|oruc arthur ymadaỽ a|r|yscotteit
ac ymhoelu ar|y gỽydyl. a|hep trugared y
kymell ar ffo. a gỽedy ffo o|r gỽydyl. ymho+
elu a|oruc ar yr yscotteit. a|r|fficthteit y|uyn ̷+
| « p 274 | p 276 » |