NLW MS. Peniarth 46 – page 305
Brut y Brenhinoedd
305
deỽret a hỽnnỽ ỽedy rita gaỽr y|mynyd e+
ryri. hỽnnỽ a|e kymellassei y|ymlad ac ef.
achos gỽneuthur ohonaỽ idaỽ pilis o|uar+
ueu brenhined. ac erchi a|oruc ef y|arthur
uligyaỽ y uaraf yn llỽyr a|e hanuon idaỽ.
ac ỽrth uot arthur yn bennaf o|r brenhined.
yd adaỽssei ynteu lle y uaryf ef yn uchaf
ar|y|bilis. ac onny uligei ef y|uaryf yn uf+
yd erchi idaỽ dyuot y|ymlad ac ef. a|r un
a|orffei kymerei y|bilis a baraf y|llall. a|gỽe+
dy ymlad onadunt y|duc arthur y|bilis. a|e
uaryf. a|e lad ynteu. ac odyna y|doethant
a|phenn y|caỽr y|blith y|llu gantunt yn|ryue ̷+
daỽt. a|phaỽb yn moli y|gỽr a|rydaassei y|ỽl ̷+
at o|ryỽ ormes honno. a|thristaỽ a|ỽnaeth
hyỽel ap emyr llydaỽ yn uaỽr o|agheu y|nith.
ac erchi gỽneuthur eglỽys uch y|phenn y+
n|y mynyd. ac o|enỽ y|uorỽyn y|gelỽir y|lle
hỽnnỽ er|hynny hyt hediỽ. bed elen. ~ ~ ~ ~
A Gỽedy ym·gynnullaỽ paỽb ygyt. ky+
chỽyn a|ỽnaeth arthur a|e lu parth a|r
dinas a|elỽit agustuinn. a gỽedy y|dy+
uot y|r auon ỽenn. y|dyỽetpỽyt idaỽ uot yr
| « p 304 | p 306 » |