NLW MS. Peniarth 47 part i – page 4
Ystoria Dared
4
eu a|oed ynn chỽenychu y|ỽelet ef. a|gỽe+
dy syllu o|bop un onadunt ar|y|gilyd. en+
nynnu a|oruc pob un ohonunt o|degỽch
a|phryt y|gilyd. a llaỽen uu pob un ỽrth
y gilyd. Gorchymyn a|oruc alexander y
baỽp o nifer vot yn baraỽt yn eu llogeu.
a dyrchauel hỽyleu pann uei nos. a|chy+
ymryt elen o|r temyl a|e dỽyn gantunt.
Pann rodet yr arỽyd kyrchu y|temyl a|or+
ugant. ac elen a|gripdeilassant. ac nyt
o|e hanuod. y|r llog y|dugassant a gỽraged
ereill gyt a hi. a|phann ỽelas y castellỽyr
dỽyn y dreis. hir ymlad a orugant yn.
erbyn alexandyr a|e niuer. a|rac lluosso ̷ ̷+
grỽyd niuer alexandyr ny|thygyaỽd ud ̷ ̷+
unt. a|gorchyuygu a|oruc alexandyr. ac
yspeilaỽ y|temyl a|dỽyn llaỽer o|garchar+
oryon gantaỽ y|r llogeu. a|dyrchauel hỽy+
leu. a|dychỽelut adref. ac y|borth tenedon
y|deuthant. ac yno didanu a|oruc ef elen
kanys trist oed. ac anuon a|oruc ef at y|dat
yr hynn a|ỽnaethoed. a gỽedy menegi y
| « p 3 | p 5 » |