Oxford Rawlinson MS. B 467 – page 24r
Meddyginiaethau
24r
ẏr vn ansod a|hẏnnẏ a|e diỽenỽẏna ~ ~
Rac ỻẏn granc kẏmrẏt kagẏl geifẏr a
blaỽt heid a gỽin gỽẏn ac eu|berỽi ẏ·gẏt
ẏn iỽt a|e dodi ỽrthaỽ a|hẏnnẏ ẏỽ ẏ ve+
diginẏaeth ỻe diotter kranc. Rac dolur
penn ac rac gỽeỽẏr kẏmaleu. kẏmrẏt
bara pẏnẏol gỽenith drỽẏdaỽ a|e valu
ẏn vlaỽt man. ac o·dẏna kẏmrẏt sur+
ẏon ẏ|koet a deint ẏ|ỻeỽ a|r danhogen a
gỽin coch a|e hẏssigaỽ mẏỽn morter
a|e kẏmẏsgu ẏ·gẏt ar ẏ tan ac ẏmron
ẏ dẏnu dodi gỽer eidon ẏn da ẏ·gẏt a|ha+
len. ac ẏ dẏna* kẏmrẏt ẏ plastẏr hỽn+
nỽ a|e dodi ar vrethẏn a|e dodi ỽrth ẏ
penn gỽedẏ darffo ẏ eiỻo Sef a|ỽna hỽn+
nỽ tardu kornỽẏdon trỽẏdaỽ a sugnaỽ
| « p 23v | p 24v » |