Oxford Rawlinson MS. B 467 – page 27v
Meddyginiaethau
27v
ỽer. arment mẏỽn gỽin. a|iach vẏd.
Rac ẏ|krẏt ẏf sugẏn ẏ rut mẏỽn
gỽin. a|ỻẏngka dri gronun o|r corian+
dẏr ac yf ẏr apium drỽẏ dỽfẏr a|ch+
ẏnuỻ ẏ plantaen ac ẏf ẏ sugẏn drỽy
ỽin. a|phẏpẏr. Neu ir dẏ gorff a|su+
gẏn ẏ ganỽreid. a|r ỽermot ac oleỽ ẏn
dỽẏm ẏ·gẏt tridieu ar vntu. ac o|bẏd
krẏt trỽm kadarn dos mẏỽn eneint
a berỽ ias ar ẏr eidral. a dot ar dẏ|ben
ẏn vrỽt ẏn blastẏr a geỻỽg ỽaet ar
dẏ deu vreich heb gẏhỽrd ar dẏfỽr.
Rac dolur arenneu ẏf bẏstẏl ẏ|daear.
mẏỽn dỽfẏr oer. Rac trasẏchet ẏf
centaỽrea mẏỽn dỽfẏr tỽẏm a hỽn+
nỽ a ỽna ỻes ẏ|r dỽẏfron ac ẏ|r kẏỻ+
a Y beri ẏ|ỽreic escor dotter bric ẏr
artẏmesia o|r tu ẏ vẏỽn ẏ mordỽẏdẏd
a gỽedẏ ẏd|ẏscoro tener ẏmeith.
| « p 27r | p 28r » |