Breudwd Welsh Prose 1300-1425
Cymraeg

Shrewsbury MS. 11 – page 81

Ysbryd Gwidw

81

eissoes ẏd ỽẏf|i ẏn trẏỽanu ẏ tẏ heb ẏ ỽa+
ẏthau A gỽẏbẏd ẏn hẏspẏs kẏt bei tei ẏr
holl vẏt yn llosci ẏ·gẏt nẏ ỽnaẏnt tan
mor ỽreslaỽn a|r hỽn ẏtỽẏf i nẏ diodef
Prior A gretẏ di dẏuot duỽ ẏ knaỽt Ẏr ẏs+
prẏt a attebaỽd o lef ẏ benn O vẏm bra+
ỽt pỽẏ ẏỽ nẏ|s cretto ẏr egẏlẏon ẏn gỽ+
elet ẏ kẏthreuleit ẏn credu Ẏr eneideu yn
purdan ẏn gỽẏbot dieithẏr ẏ lawer ac
ẏssẏd ẏn|ẏ bẏt o|chuan achos ẏn erbẏn
pẏnkeu ẏ fẏd pechu a ỽnant heb orfẏỽẏs
Prior. bẏ rẏỽ benẏt a haẏdant ẏ neb nẏ|s
crettont. Gwidw. rẏued ẏ gouẏnnẏ bonẏ
dẏỽeit ẏr ẏscrẏthur pỽy|bẏnnac nẏ|s cre+
tto ẏ mae ẏn varnedic. Prior. pẏ achos
ẏ godef duỽ dẏnẏon angret ẏ vẏỽ. Gwidw.
nẏ dẏlẏ bot gouẏnnẏon o dirgelỽch ẏr
arglỽẏd Eissoes herỽẏd tẏb a bỽrẏade
dẏn godefus ẏỽ duỽ hẏt pan droant ẏ|r
gret ẏ cỽplau ẏ rad a gollet. ne duỽ ẏn+