Breudwd Welsh Prose 1300-1425
Cymraeg

Shrewsbury MS. 11 – page 82

Ysbryd Gwidw

82

teu ẏn godef amẏlhau gobrỽẏeu crstẏ*+
nogẏon achos ẏr ẏmlad a wnant ac ỽynt
dros ẏ gret a|r gẏfreith. Prior. bẏ bechoteu
vỽẏa a aruerir ẏn|ẏ bẏt. Gwidw. camsẏber+
ỽẏt kẏnuigen godineb tỽẏllodraeth a+
goruẏent a|e keigeu glỽẏs|ỽẏdedic rac
bronn duỽ a|e egẏlyon a phedỽar o·na+
dunt ẏssẏd a vẏn duỽ dial ar hynt dros+
tunt megẏs priodas andeduaỽl yr eil
ẏỽ pechot ẏn erbẏn annẏan trẏdẏd
llad kelein petỽẏrẏd tyghu anudon Prior
ẏd|ỽẏf yn erchi ẏt oblegyt vn mab duỽ
o|r gelly godef dẏ ỽreic ẏn hedỽch. Gwidw.
nẏ ỽnaf i hẏnnẏ onẏ thric ẏn diỽeir yn|y
bẏỽẏt A pheri canu trẏchant efferen dros+
ti hi a throssof inneu megẏs cant o|r drin+
daỽt neu o|r ẏsprẏt glan A chant o veir
vorỽẏn A dec offeren a|deugeint o bedẏr
a phaỽl A dec offeren a deugeint o|r meirỽ
pan glẏby ẏ wreic ẏ geirev hẏnny a