Cambridge Trinity College MS. O.7.1 – page 30r
Llyfr Blegywryd
30r
nut. Os myn y vam. hi ae keiff oll.
onys myn. rother y arall. Or a mo ̷+
rỽyn wyry yn llathrut heb gyghor
y chenedyl. y that a dichaỽ* y hattỽyn
rac y gỽr oe hanuod. Ac ny chyll hi
dim oe iaỽn y gan y neb ae duc.
Ac ny thal y that y hamobyr y har+
glỽyd. Or a gỽreic hagen yn llath ̷+
rut o anuod y chenedyl. ny eill neb
y hattỽyn rac y gỽr o hanuod. or lle
y bo y hatlam y telir y hamobyr.
Gỽreic a dycker lathrut ac ny wnel
amot yg|gỽyd tyston ar gaffel iaỽn
o gỽbyl. ny cheiff herwyd gỽyr gỽy+
ned onyt tri eidon. herwyd gỽyr
y deheu hi a gahei gynt y hegỽedi
yn hollaỽl. megys gỽreic a rodei y
chenedyl. Y neb a dycco morỽyn
yn llathrut. A dywedut or uorỽyn
beth a rody ti imi. A dywedut o·ho ̷+
naỽ ef. mi a rodaf it y veint hon.
A chadarnhau ar y gret ac vch crei+
reu. Os gỽatta gỽedy hynny. kyme+
ret hi y creireu. A thyghet idaỽ adaỽ
| « p 29v | p 30v » |