Bodorgan MS. – page 115
Llyfr Cyfnerth
115
Tri argae gỽaet. mynwes. A gỽregys per+
ued. A gỽregys llaỽdỽr.
TEir gỽarthrud morỽyn. vn yỽ dywe ̷+
dut o|e that ỽrthi. mi a|th rodeis vor ̷+
ỽyn y ỽr. Eil yỽ erchi o|e that idi mynet at
y gỽr y gyscu. Tryded yỽ y gỽelet y bore yn
kyfot y| ỽrth y gỽr. Ac o achaỽs pop vn o|r tri
hynny y tal y gỽr y hamobyr yr arglỽyd
ae chowyll ae hegỽedi idi hitheu. Tri diỽy+
neb gỽlat yssyd ac ny ellir bot hebdunt.
arglỽyd. Ac effeirat. a chyfreith. Teir a| elỽ ̷+
yt a dyly gỽneuthur iaỽn ae chymryt dros
dyn ny bo arglỽyd adef idaỽ. tat. a braỽt
hynhaf. A whegrỽn. Teir notwyd kyfre ̷+
ithaỽl yssyd. notwyd gỽenigaỽl y vrenhi ̷+
nes. A notwyd y penkynyd y wniaỽ y kỽn
rỽygedic. A notwyd y medyc llys y wniaỽ
y gỽyr brathedic. pedeir keinhaỽc. kyfreith. a
tal pop vn o hynny. Notwyd gỽreic kyw+
rein arall. keinhaỽc. kyfreith. a| tal.
TEir marỽ tystolyaeth yssyd ac a
safant yn lle tyston yn dadleu yn da.
Vn yỽ. pan vo amrysson ac ymlad rỽg deu
arglỽyd am tir. A theruynu hỽnnỽ. yn dy+
| « p 114 | p 116 » |