Bodorgan MS. – page 15
Llyfr Cyfnerth
15
duỽ kalan mei kyn gỽiscaỽ kuaran y troet
deheu. y tir a geiff yn ryd. A march bitwos ̷+
seb y| gan y brenhin a geiff a dỽy ran idaỽ
o|r ebran. Pedeir keinhaỽc. kyfreith. a geiff y
gan pop kynyd milgi. Ac ỽyth keinhaỽc
kyfreith y| gan pop kynyd gellgi. pan el ̷+
hont yn eu sỽydeu. Pan tygho y penky+
nyd; tyget y uỽyn y gỽn ae gyrn ae gynllyf+
Dylyet y gỽas ystauell yỽ [ aneu.
kaffel dillat y brenhin oll eithyr y
tudet garawys. kanys ef a geiff y dillat
gỽely ae grys. ae laỽdỽr ae peis ae vantell
ae escityeu ae hossaneu. y wely a uyd yn
ystauell y brenhin. y tir a geiff yn ryd a|e
varch yn pressỽyl. Ef bieu y gỽarthec a
vo kyhyt eu kyrn ac eu hyscyfarn o|r
anreith a wnel y brenhin. Vn vreint ynt
merchet y chwech hyn. nyt amgen. y
Distein. Y·gnat llys. H·ebogyd. P·en
kynyd. P·en gỽastraỽt. G·ỽas ystauell.
Ac vn vreint ynt ỽynteu e| hunein. Yn
sarhaet pop vn o·honunt y telir naỽ
mu a naỽ vgeint aryant. yg galanas
pop vn o·honunt y telir. naỽ mu a naỽ
| « p 14 | p 16 » |