BL Cotton Cleopatra MS. A XIV – page 49v
Llyfr Cyfnerth
49v
llys or cỽrỽf. Ac eu hanher or bragaỽt. Ac eu
trayan or med. Ef bieu koeskyn pop eidon
or llys ny byd hyt yndunt namyn uchar+
ned. Naỽuet dyd kyn kalan racuyr y ke ̷+
iff y gan y brenhin peis a chrys a chapan.
A their kyuelin lliein o pen elin hyt y|m+
laen hiruys y wneuthur llaỽdỽr. Ny byd
hyt yn| y dillat namyn hyt odis pen y lin
ỽrth clỽm y laỽdỽr. Kalan maỽrth y keiff
peis a chrys a llaỽdỽr a| mantell. Penguch
hagen a geiff yn| y tri amser. Ef bieu ranu
rỽg y brenhin ar maer ar kyghellaỽr. Ef
bieu yr yscub a| uo dros pen yt y tayogeu
foaỽdyr ac eu marỽ·tei pan ranher. Pan
adaỽho kyllidus foaỽdyr y yt heb uedi;
A pan gaffer y kyffelyb yt o uarỽ·ty. y| tal ̷+
areu a gymer y righyll. Ac ef a| geiff y me ̷+
hin bỽlch or marỽ·ty ar emenyn bỽlch.
Ar maen issaf or ureuan. Ar dulin oll ar
llinhat ar to nessaf yr| dayar or yt. Ar bỽ ̷+
eill. ar crymaneu. Ar ieir. ar gỽydeu. ar
| « p 49r | p 50r » |