BL Cotton Cleopatra MS. B V part ii – page 209r
Llyfr Cyfnerth
209r
a* geiff. Y|trydet yw gwarthec y ỽaerdy. ka+
nys o|bop eidyon a|gaffer arnunt. or iiii. keyn+
hawc kyfureith a|geiff.
TEir rwyd breyr ynt. Gre. A gwarthec
a|moch. Canys o|keffir aniueil yn eỽ
plith. or iiii. keinawc. kyfureith a|geiff o bop ỽn oho+
nunt. Teir rwyd taeawc ynt. y warthec
a|e uoch. a|e hendref. O|galan mei hyd pan
darffo medi. or iiii. cotta a|geiff o|bop anive+
il o|r a gaffo yndunt.
TEir Dirwy brenhin ynt. Dirwy ym+
lad kyuadeỽ. A dirwy treis. A|dirwy y
ledrad a|nofeis. i. anobeith. Diwyn dirwy
treis yw. Gwialen aryant yw a arhaedo
o|r daear hyd yn yad y|brenhin. pan eistedo
yn|y gadeir gyrreued a|e aranỽys. Ar tri
ban ar pob pen yr wialhen. A|ffiol eur a|ar+
ho llawn diawd y|brenhin yndi. kyn|tewed
ac ewin amaeth. a|amaetho seith|mlyned
A|chlawr eur a|ỽo kyfuled ac wynep y|bren+
| « p 208v | p 209v » |