Breudwd Welsh Prose 1300-1425
Cymraeg

BL Cotton Titus MS. D IX – page 84r

Llyfr Blegywryd

84r

tystonn ym|pob achaỽs. 
Dywededic yỽ hyt hynn o gyureith
hywel da a|e arueroed. a|e gynneuodeu;
Dywedadỽy yỽ rac llaỽ o achỽannec
kyureith dylyedus y|chynnal. a|gossoded+
ic trỽy gyuundeb gỽlat ac arglỽyd.
nyt amgen. no|r dynnyon hynn yma
ny|dydyly eu tystolyaeth seuyll yn vnn
lle. kynntaf yỽ ohonunt
C aeth. a|mut. a|bydar. a|hael byrrllo  ̷+
nyaỽc. gỽedy treulho a|vo ar|y|helỽ.
ac a|torrho y|priodas yn gyhoedaỽc.
ac annudonul kyhoedaỽc. ac a|dycco
cam tystolyaeth dan|y wybot idaỽ. a  ̷
mab hyt yn oet pedeir blỽyd ar|dec.
a|gỽr a gyttyo a gỽr arall. neu ac an+
nyveil. ac a|dycco da kyssegredic. neu
da arall o gyssegyr. a bradỽr arglỽyd.
neu a ladho y|tat. ac ynvyt cannhỽ  ̷+
ynnaỽl. neu ruthraỽc. ac a|lyccro
iaỽn vath. neu a|wnnel cam vath.
neu a|rodho cam vraỽt dan|y wybot
A  Oes vn lle y|dylyho y [ idaỽ.
tat talu galannas. ac ny|s
dylyho y|vab. Oes. Gorchaỽ.
a|dyly talu galannas. ac ny|s dyly y  ̷