Cardiff MS. 1.363 (Hafod 2) – page 103v
Brut y Brenhinoedd
103v
lle kyghorvynnv a orvc dyafvl wrth y dae+
ony ef a mynet a wnaeth eg kallon ronwen
y elldrewyn ef a honno a lafvryavd y keyssyav
agheỽ y werthyfyr. Ac gwedy medylyav pob
estryw o|r dywed hy ar rodes gwenwyn trwy law
vn o wassanaethwyr ydaỽ a henny kan rody y h+
vnnỽ llawer o da. Ac y gyt ac y llewes er arder+
chaỽc emladwr hvnnỽ e gwenwyn en dyssyỽyt
kleỽychv hep ỽn gobeyth ohonav. Ac odyna h+
ep vn gohyr dyfynnv attav a orvc y holl varchog+
yon a mynegy a wnaeth vdvnt y vot ef en mynet
yr fford e mae reyt y pob perchen cnavt vynet
ydy. sef yw honno y aghev. a gwascarỽ vdvnt y
evr a|e aryant a|e holl daoed o|r a kynnvllessynt y
tadeỽ a|e hentadeỽ kyn noc ef. kan dyscỽ vdvnt b+
ot en reyt y paỽb mynet y angheỽ megys ed oed
entev en mynet. ac annoc y wyr yeweync glew
ar ryfvessynt rac y vron ef en e brwydreỽ ac en er
ymladev hyt pan amdyffynnynt ew gwlat en wr+
avl ac en wychyr a llafvryaỽ o|y dyffryt rac|eỽ ge+
lynyon a rac estravn kenedyl. Ac y gyt a dyscv gle+
| « p 103r | p 104r » |