Cardiff MS. 1.363 (Hafod 2) – page 118v
Brut y Brenhinoedd
118v
Er aryant a wynhaa yn|y gylch ac amraualyon b+
ryssureu a ỽlynhaa. Ene bo gossodedic y guyn y
meddwant yr rei marwaỽl yny bo ebryuedic y
nef yd edrychant ar y dayar. E syr a dwc y gan+
thwnt eu drech ar gnotaedic redec a wasgarant
Eny dirllonao yr rei hynny y losgant yr ydeu. ar
gỽlybỽr y kyttrwymedic a nekeir. E gureid ar
cangen a ymchuelant en chuyl a newydder y gue+
ythret a ỽyd anryuedaỽt. Echdywynedigrỽyd yr
hewl o cleddyf mercurius a wanhaa. ac|aruthter u+
yd yr a|e hedrycho. Stilbon a symut taryan arcadie
penfestyn mars a eilw venus. penfestyn mars a wna g+
uascaỽt. kyndared mercurius a gerda y deruyneu.
Orion haernaỽl a noetha y chledyf. y moraỽl heul
a ỽlynhaa yr wybyr. Juppiter a gerda y ganhyate+
digyon lỽybreu. a ỽenus a edeu y gossodedigyon li+
neu. kyghoruynt sadwrn a dygỽyd ac o grỽm gr+
yman y llad yr rei marwaỽl. Deu chuech ryf ty y
syr a gỽynn gerdet eu lletywyr. Geminij a ebry+
uygant eu gnotaedigyon damgylchyneu. ar kel+
yrneỽ a alwant yr fynonyeu. mantaỽl y bunt a
dobynna yn gam yny doto maharen y grynnyon*
gyrn y adanaỽ. llosgwrn y scorpyon a crea llucha+
| « p 118r | p 119r » |