Cardiff MS. 1.363 (Hafod 2) – page 169v

a dvc nyth howel er honn a cledeys y ar aỽrhon. [ a mynheu y mamaeth hy y gyt a hy hyt e mynyd hvn. hvnnv o aglywedyc kenedyl angheu hep annot ath ddyna tythev.

Och a tryst tynghetven vy eglỽraf verch va+

eth hyt tra ydoed er yskymỽn hỽnnỽ en|y dam+

lygỽ er·rwng y vreycheỽ hy a kymyrth dy+

rvavr oỽyn a dan y clayar vron ac a aeth

y heneyt o|y corff. Ac wrth henny gwedy

na allws ef anffvrvav vy merch y er hon+

n a oed eyl bwuched. ac eyl velyster. ac eyl

dygryfwch y my na chydyaỽ a hy o|y ysky+

mỽn kyt ef. Ac wrth henny megys ed oed

loskedyc ef o wdyr* sserch e treyssyavd

vynheỽ. a dyw a dygaf en tyst am heney+

nt ynheỽ e mae o|m anvod e kydyaỽd a my.

Ac wrth henny vyg karedyc y ffo ty ym+

deyth ffo rac dyvot o·honav en herwyd y

devavt y kydyav a myvy a|th odywes tyth+

ev a|th kaffael eman val hynn ac o trvanh+

af dyhenyd dy lad. Ac ena herwyd dynya+

vl annyan trvanv a gwnaeth bedwyr wrt+

hy ac en war adav ebrwyd kannwrthwy

ydy. ac en e|lle ymchwelỽt ar arthỽr a my+

negy ydaỽ er hynn ar|ry welssey. Ac wrth he+

nny kwynav a orwc arthvr ry varv e vorwyn