Cardiff MS. 1.363 (Hafod 2) – page 170v
Brut y Brenhinoedd
170v
y wynep a|e lygeyt a pylwys drem y lygeyt. k+
anys e kawr a dodassey y ffonn er·rwng y tal
ar dyrnavt. a honno a|y dyfferassey rac anghe+
vavl dyrnaỽt. Ac gwedy y dallỽ ar e wed honno.
llydyogach wu a megys baed koet ar hyt er h+
ychwayw. e velly ar hyt e cledyf kyrchỽ arth+
ỽr a orỽc a meglyt en e brenyn am y berỽed a|e|tr+
aỽody eny vyd ar penn y glyn. Ac en e|lle galw a g+
wnaeth arthỽr ar y nerthoed attav a llythraỽ o|y
dwylaỽ ac o pob parth ydaỽ ffwstyaỽ er anghyn+
hel hvnnỽ ar cledyf hep pan kaỽas rody
angheỽavl dyrnavt ar cledyf en|y penn.
hyt pan torres fyolen y ketwyt er emenh+
yd endy. A dyaspat a dodes er anghenỽyl hvnnỽ
a megys derwen a dywreydyey e gwynt ssyrth+
yaỽ kan dyrvavr tvryf a orỽc. Ac en|e lle ena cw*+
herthyn a orvc e|brenyn ac erchy y vedwyr llad y
penn a|e rody ar vn o|r gweyssyon o|y dwyn yr ll+
vestev o|y dangos en anryvedavt yr nep a|e g+
weley. Arthvr a dywavt na ry kavssey eyry+
oet dyn arall vn nerth a hvnnỽ eythyr Rytta
kawr ed ymladassey ac ef ac a ladassey en eryry.
hvnnv ry gwnathoed ydav pylys o varvev b+
renhyned ar ry ladassey a blyghyaỽ ev barfeỽ
| « p 170r | p 171r » |