Cardiff MS. 1.363 (Hafod 2) – page 175v
Brut y Brenhinoedd
175v
o|r dywed ymkyweryaỽ a gwnaethant. ac
en ỽraỽl gwrthỽynebỽ vdỽnt. ar rey onad+
ỽnt a dodassant y warchadv e karcharoryon
ar rey ereyll en vydynoed y ymlad ar gelynyon.
Ar ỽydyn a dodassant y kadv e karcharoryon
a orchymynassant y Rychert a bedwyr bot en tw+
yssogyon arney. ac|en pennadvryeyt ar er rey
ereyll. kadwr tywyssaỽc kernyw a borell. en k+
yt tywssaỽc ydaỽ. Ar rvueynwyr kyrchv a g+
wneynt hep keyssyaỽ na dydorbot llỽnyethỽ na
bydynaỽ eỽ gwyr. namyn oc eỽ holl lafỽr key+
ssyaỽ gwneỽthỽr aerỽa o|r brytanyeyt hyt tra
ed|oedynt wynteỽ en bydynaỽ ac en eỽ hamdy+
ffynnv e|hvneyn. Ac wrth henny kan eỽ gwanh+
aỽ en ormod wynt en dybryt a gollessynt ev ka+
rcharoryon pey na ry anỽonhey e tynghetỽen
vdỽnt damỽnedyc kannwrthỽy ar ỽrys. kanys
Gwytart yarll peytaw gwedy gwybot ev twyll
hwnnỽ a deỽth a|thry myl kanthaỽ. ac o|r dywed
kan nerth dyw a|chanhwrthvy hvnnỽ e brytany+
eyt a racorfvant ac a tallassant eỽ hayrỽa. yr tw+
yllwyr. Ac eyssyoes en kyfranc kyntaf e kolle+
ssynt wy llawer. ena e kollessynt er arderchaỽc
| « p 175r | p 176r » |