Cardiff MS. 1.363 (Hafod 2) – page 202v
Brut y Brenhinoedd
202v
AC gwedy llad er rey henny osswalt a deỽth en
vrenyn en escotlont. a hwnnv hevyt kat+
wallavn gwedy er rey ereyll ar ryvelaỽd arn+
aỽ ac a|e ffoes o wlat pwy gylyd hyt e mvr a gw+
naeth severỽs amheraỽder er·rwng bryta+
en ac escotlont. Ac gwedy ef a envynavd pe+
anda ar rann wuyhaf o|r llw kanthaỽ hyt e lle
honno y ymlad ac ef. Ac esef a orvc osswalt hyt
tra ed|oed peanda en|y warchay en e maes a elw+
yr en sayssnec. hyvenfelt. ac eng kymraec e|m+
aes nefaỽl nosweyth dyrchaỽael croes er
arglwyd eno ac erchy o|y kytymdeythyon ac o|y
kytvarchogyon oc ev llawn llef dywedwyt ply+
gỽn en glyneỽ a gwedyvn er holl kyvoethaỽc
dyw byw hyt pan yn rydhao ny y gan syberw lwu
e brytanyeyt. ac y gan ev hyskymvn tywyssavc
peanda. kanys ef a wyr e may yaỽn edym ny tr+
os en kenedyl yn ymlad. Ac wrth henny pavb
o·nadvnt a gwnaeth megys y herchys. ac e velly
pan doeth e dyd e kyrchassant ev gelynyon a he+
rwyd evyrllyt ev ffyd wynt a kavssant e wu+
| « p 202r | p 203r » |