BL Harley MS. 4353 – page 3r
Llyfr Cyfnerth
3r
dros teruyn y kymhỽt. Naỽd effeirat teu ̷+
lu yỽ canhebrỽg y dyn hyt yr eglỽys nessaf.
Naỽd y distein a| weryt dyn o|r pan safho
y|gwassanaeth y brenhin; hyt pan el y dyn
diwethaf o|r llys y| gyscu. Naỽd yr hebogyd
a differ y dyn hyt y lle pellaf yd helyo adar.
Naỽd y penkynyd a| parha hyt y lle pellaf
y clyỽher llef y gorn. Naỽd yr ygnat llys yỽ
tra baraho dadleu o|r haỽl gyntaf hyt y diwe ̷+
thaf. Naỽd y pengỽastraỽt a parha hyt y par+
aho redec y march goreu yn| y llys. Naỽd y
gỽas ystauell yỽ o|r pan elher y urỽynha hyt
pan darffo tannu gỽely y brenhin. Kyf+
felyp y hynny yỽ naỽd morỽyn ystauell.
Naỽd distein brenhines yỽ o|r pan safho
y|gwassanaeth y vrenhines; hyt pan el y
dyn diwethaf o|r ystauell y| gyscu. Naỽd y
bard teulu yỽ dỽyn y dyn hyt ar y penteulu.
Naỽd y| gostegỽr yỽ o|r ostec kyntaf hyt y| di ̷+
wethaf. Kyffelyp yỽ naỽd effeirat a|e gilyd.
Naỽd y canhỽyllyd yỽ o|r pan enynher y| ga ̷+
nhỽyll gyntaf; hyt pan diffother y diwethaf.
Naỽd y troedaỽc yỽ o|r pan eistedo dan traet
y brenhin; hyt pan el y brenhin y|r ystauell.
Naỽd y coc yỽ o|r pan dechreuho pobi y go ̷+
| « p 2v | p 3v » |