BL Harley MS. 958 – page 16v
Llyfr Blegywryd
16v
O dri|mod ẏ gwedir kẏssỽẏn·plant o
genedẏl. vn ẏỽ ẏ|neb a|dẏwetter ẏ vot
ẏn|tat idaỽ o|bẏd bẏỽ a eiỻ ẏ wadu ar ẏ
lỽ e|hunan. Onẏ bẏd bẏỽ ẏ|tat. penkened+
ẏl a|seith laỽ kenedẏl gantaỽ a|e gwatta.
Onẏ bẏd penkenedẏl; llỽ deg wẏr a deu+
geint o|r genedẏl a|e gwatta. Ac uellẏ mam
neu genedẏl mam a|dẏchaỽn dỽẏn ẏ kẏf+
rẏỽ etiued hỽnnỽ ẏ genedẏl gan ẏ odef ud+
unt. Nẏ dẏlẏ praỽf vot o pleit etiued
kẏssỽẏn. ẏn erbẏn gỽat cỽbẏl o|r parth
araỻ. namẏn praỽf a dẏlẏ bot gan ẏ odef
o|r pleit araỻ. kanẏs godef ẏm pob peth a
tẏrr ẏ kẏghaỽs. Os gỽreic a|e dỽc ef tẏg+
het ar aỻaỽr gẏssegredic onẏ chredir heb
ẏ|thỽg. neu onẏ wedir cỽbẏl ẏn|ẏ herbẏn.
Teir gormes doeth ẏnt. meddaỽt. A godineb
A drẏc·anẏan. Trẏ dẏn a dẏlẏ tauodẏ+
aỽc ẏn ỻẏs ẏ gan ẏ brenhẏn. Gỽreic. Ac
aỻtut aghẏfieithus. A|chrẏc anẏanaỽl.
Vn dẏn hagen a|dẏlẏ dewẏs ẏ tauodẏaỽc.
arglỽẏd. Tri ỻỽdẏn digẏfreith eu gỽei+
thret ar aniueileit mut. Ystalỽẏn. A|tha+
rỽ trefgord. A baed kenuein. Digẏfreith
heuẏt ẏỽ gweithret tarỽ tra geisso gỽarthec
gỽassaỽt o|galan mei hẏt galan gaẏaf. Ac
| « p 16r | p 17r » |