BL Harley MS. 958 – page 20v
Llyfr Blegywryd
20v
reith. golỽc tẏst o|e tẏstoỻẏaeth. A golỽc
managẏat o|e vanac. A golỽc ỻẏgatrud kẏ+
lus am lad neu losc. neu ledrat. Tri geir
kẏlus ẏssẏd. geir ẏ bo gỽeli tauaỽt. A gwaỻ+
aỽgeir ẏn ỻẏs. A|thauaỽtrudẏaeth am lad
neu losc neu ledrad. Tri rẏỽ waỻaỽgeir
ẏssẏd. geir gwaỻ ẏn holi o rỽẏ|neu eisseu
A|geir gwaỻ ẏn amdiffẏn o rỽẏ neu eisseu
A geir gwaỻ ẏn gwadu. O|r kẏntaf ẏ kẏỻ
haỽlỽr ẏ haỽl o|r a perthẏno ỽrth ẏ|geir o|r
dẏgir tẏston ẏn|ẏ erbẏn ac nẏ chẏỻ cam+
lỽrỽ. kanẏt oes gamgỽẏn kẏlus ẏg kyf+
reith eithẏr tri. O|r eil neu o|r trẏdẏd ẏ
kẏỻ amdiffẏnỽr camlỽrỽ. A|diuỽẏn ẏr
haỽl o|r a perthẏno ỽrth ẏ geir ẏ tẏstỽẏt
o|e waỻ. Tri theruẏn haỽl ẏssẏd. gwa+
du. neu proui. neu lẏssu tẏston. Tri
pheth nẏ chẏgein ẏg|kẏfreith. praỽf ar
weithret eithir tri. A gwat dros waessaf.
A chof gwedẏ braỽt. Tri gweithret ẏs+
sẏd ar praỽf ỻafur kẏfreithaỽl. neu wneu+
thur fin. neu lafur araỻ. A gweithret ỻỽ
dẏn ẏn ỻad araỻ ẏ|gỽẏd bugeil trefgord.
Tẏstollẏaeth ẏ bugeil ẏn ỽẏbẏdẏat a seif
am hẏnnẏ. Tẏstolẏaeth gỽẏbẏdẏeit
| « p 20r | p 21r » |