Oxford Jesus College MS. 119 (The Book of the Anchorite of Llanddewi Brefi) – page 102v
Buchedd Dewi
102v
y arglỽyd. Yna y|gỽelut ti gyfuredec gann seint
yr ynys honn. a seint Jỽerdonn o|bop parth yn|dy+
vot y|ymỽelet a|deỽi sant. O|bỽy yna a|allei diod+
ef ỽylouein y|seint neu vcheneideu y|meudỽyot neur
offeireit. Ar|disgyblonn yn|dyỽedut. pỽy an dysc
ni. kỽyn y|personnyeit yn|dyỽedut. pỽy an kanhorth+
ỽya ni. Annobeith y|brenhined yn|dyỽedut pỽy an|hur+
da ni. pỽy a|vyd tat kynn drugarocket a|deỽi. pỽy a
wedia drossom ni ar|yn|harglỽyd. kỽynvan y|tlodyon
ar cleiuon yn vdaỽ. Y|myneich ar gỽerydon. a|rei pri+
aỽt. ar penydỽyr. y|gỽeisson jeueing ar morynyonn.
y|meibon ar|merchet. a|rei neỽyd eni ar eu|bronnev
yn gollỽng eu dagreu. beth a|draethaf vi. onnyt vn
kỽyn gann baỽp. Y|brenhined yn cỽynaỽ eu|braỽt.
Yr|hyneif yn cỽynaỽ eu mab. y|meibon yn cỽynaỽ y
tat. Dyỽ sul y canaỽd deỽi offerenn ac y|pregetha+
ỽd yr bopyl a|e gyuryỽ kynn noc ef ny|s clyỽysbỽyt.
A|gỽedy ef byth ny|chlyỽir. Ny|s gỽelas llygat eiro+
et y|saỽl dynyon yn vn lle. A|guedy daruot y|bregeth
ac offerenn. y|rodes deỽi yn gyffredin y vendith y|baỽp.
o|r|a oed yna. A|gỽedy daruot idaỽ rodi y|venndith y ba+
ỽp. y|dyỽat yr ymadraỽd hỽnn. arglỽydi vrodyr a|chỽi+
oryd bydỽch laỽen. a|chedỽch ych|ffyd a|chret. a gỽne+
ỽch y|petheu bychein a|glyỽyssaỽch ac a|ỽelsaỽch gennyf|i.
a|mynheu a|gerdaf y|fford yd a an tadeu idi. Ac ynn
| « p 102r | p 103r » |