Oxford Jesus College MS. 119 (The Book of the Anchorite of Llanddewi Brefi) – page 13v
Ystoria Lucidar
13v
Am wybot meint a|wneay o|da. o|e bechaỽt ef.
A|dywat y|sarff. Na dywat. Diawl hagen a
dyỽat vrth y sarff. megys y|dyweit heddiỽ.
drwy dyn a|gaffo graff arnnaỽ. Ac val y|dyỽ+
at yr angel drỽy yr assen megys y|gwypynt
beth a seinnyei y|geirev hynny drỽydunt
wy. Paham drỽy y sarff. Yn annyueil troe+
dic llythric. A|diawl a|wna y|neb a|dwyllo ef.
yn droedic o dỽyll. Ac yn llithryc o odineb.
A uu wybot drỽc a da yn|yr vn afal. Ny|bu
yn|yr aual. namyn yn|yr agkyureith. kanys
kynn pechaỽt y|gwybu dyn a da a drỽc. Da
drỽy y broui. Drỽc drỽy y|wybot. A enit dyny+
on drỽc ym|paradỽys. na enit. onnyt yr eth+
oledigyonn e|hunein. Paham yntev y|genir
rei drỽc yr awr honn. O achos yr etholedi+
gyon y|lauuryaỽ ac y broui drỽydunt wy.
Megys y prouir yr eur yn|y ffwrneis. Pa|hyt
y|buant wy ym|paradỽys. Seith awr. Paham
na buant wy yno hwy no hynny. kannys
yn|y lle gwedy gwneuthur gwreic. y|troes
hi ar gam. Pa|hawr y|gwnaethpỽyt dyn.
Yn|y tryded awr y gwnaepỽyt* dyn. Ac yd
enwis yr holl annyueileit. Ac yn|y chỽechet
awr y gỽnnaethpỽyt gỽreic. Ac yn|y lle y
| « p 13r | p 14r » |