Oxford Jesus College MS. 119 (The Book of the Anchorite of Llanddewi Brefi) – page 39r
Ystoria Lucidar
39r
1
yaỽnn. Os ef a trugarhaey vrth aelodev diaỽl.
2
Agkyfuyaỽn vydei. vrth hynny. trugared a|vyd
3
y|rei gỽirion. A chyfyaỽnder y rei enỽir. A|thru+
4
garaỽc yỽ vrth yr holl weithredoed. y gỽr a tyw+
5
ynna yr heul ar wiryon. Ac enỽir. Ac a|dyry
6
glaỽ vdunt. Ac a|e pyrth. A oes arỽydon y|gall+
7
er adnabot yrỽg da a drỽc. Oes. y|rei gỽiryon
8
a|uyd da eu kytỽybot. A|e gobeith. Ac wynebev
9
hygar vdunt. a llygeit vdunt yn echtywynny+
10
gu o|daỽn. A cherdedyat araf kyfuartal. A gei+
11
reu melys gantunt o|ry|buched eu callonnev.
12
Y rei drỽc yntev. ynn drỽc eu kytỽybot o|chỽer+
13
ỽed ev callonnev yn wyneb crist. Ac yn annỽa+
14
dal ev geireu. a|e gỽeithredoed. ac yn agkyfar+
15
tal y|chỽerthinat. yn deimlyaỽdyr eu tristit.
16
yn annỽadal ev kerdedyat. yn neill|ỽers yn ry+
17
wyr. Ar llall yn ehegyr. Ar gỽenỽyn a|uo yn
18
ev callonnev a|dyỽallant gann eireu amlỽc
19
chỽerỽ. O madeuir pechodeu yn anghev crist.
20
paham yn bedydir nynhev. Med seint aỽstin.
21
pechodev yn anghev crist a|vadeuir o|chymerir
22
penyt yn ffyd y anghev ef. O|ba saỽl mod y
23
madeuir pechodev. O seith. pa|rei ynt ỽy. Yn
24
gyntaf drỽy vedyd. Yr eil. drỽy verthyrolya+
25
eth. Trydyd. drỽy benyt a chyffes. megys y
| « p 38v | p 39v » |