Oxford Jesus College MS. 119 (The Book of the Anchorite of Llanddewi Brefi) – page 64r
Ystoria Lucidar
64r
Ac ỽynt a|ỽelant y|holl engylyon a|e holl seint
o|vyỽn ac odieithyr. A gogonnyant duỽ. A go+
gonnyant yr engylyon. Ar pedrieirch. ar pro+
ffỽydi. ar ebestyl. Ar merthyri. Ar conffessor+
ieit. Ar gỽerydonn. Ar holl seint. Ac ỽynt a
ỽelant eu llygeit e|hun. Ac eu hỽynebev. A|e
holl aelodeu o vyỽn. Ac odieithyr. A|medylyev
paỽb yn wahannredaỽl. ỽynt a|ỽelant pob peth
o|r yssyd yn|y nef neỽyd. Ac yn|y dayar neỽyd.
Ac ỽynt a|ỽelant ev gelyonn* a|e poenes ỽynt
gynt yn vffernn yn ỽastat. Ac o hynny oll
y llyỽenhaant megys na aller y|dyỽedut ~.
O glyỽet. Ewyllys ev klyỽededigaeth a gaff+
ant. kannys ỽynt a gaffant ac a gymerant
yr aroglev bonedigeidaf o|ffynnyaỽ yr hynaỽ+
ster. Ac o|r engylyon. Ac o|r seint. O glyỽet.
Ewyllys ev klyỽededigaeth a gaffant. kannys
ỽynt a glyỽant armoni nef. a|melys geinya+
eth yr engylyonn ac organev y seint. O vlas.
Eỽyllys ev blas a|gaffant. kannys gỽledeu.
A lleỽenyd a|gymerant ygỽyd duỽ. A phann
ymdangosso gogonnyant yr arglỽyd y caffant
ev gỽaly. Ac o|ffrỽythlonder ty duỽ y|medỽir
ỽynt med y proffỽyt. Ewyllys ev teimledi+
gaeth a|gaffant yn|y mod hỽnn. yn|y lle y
| « p 63v | p 64v » |