Oxford Jesus College MS. 57 – page 105
Llyfr Blegywryd
105
1
kylus. ae yỻ|deu. ae na|bo un kylus. ae* na|wys
2
heuyt a|vynno y gỽarant gỽneuthur kỽbyl
3
drostaỽ e|hun. a|thros y da kynnhennus. a|thros
4
amdiffynnỽr y|da. ae na|s mynno. ac na wys
5
heuyt ae gaỻo ae na|s gaỻo. Tri pheth a dyly
6
gỽarant dibaỻ eu gỽneuthur. vn yỽ gỽrth+
7
eb yn|diohir drostaỽ e|hun. a thros y da kynhen+
8
nus. a|thros am·diffynnỽr y da. Eil yỽ sefyỻ
9
ỽrth gyfreith a barn dros yr hoỻ dadyl trwy det+
10
vryt gỽlat. Trydyd yỽ. gỽneuthur kỽbyl dros
11
yr hoỻ dadyl ual y barner idaỽ. Ny eỻir gỽa+
12
rantu vn da kyffro na digyffro a dycker yn er+
13
byn kyfreith. nac un gỽeithret a wneler yn er+
14
byn kyfreith. os deturyt gỽlat a|e hamlyckaa.
15
braỽdỽr hagen a|dyly gỽybot. a|deaỻ trỽy detur+
16
yt gỽlat. ae trỽy gyfreith ae yn erbyn kyfreith
17
y ducpỽyt y|da. neu y|gỽnaethpỽyt y gỽeith+
18
ret kynn rodi barn deruynedic rỽng yr
19
haỽlỽr a|r gỽarant. a|hynny gỽedy gỽrtheb
20
yr amdiffynnỽr. Y neb a gaffo gỽarant myỽn
« p 104 | p 106 » |