Oxford Jesus College MS. 57 – page 12
Llyfr Blegywryd
12
eit am y distein. y telir sarhaet a galanas deu+
dyblic idaỽ. Sarhaet pob vn o|r sỽydogyon e+
reiỻ yỽ chỽe|bu a chweugeint o aryant. Gala+
nas pob vn ohonunt yỽ. chỽe|bu a chỽeugeint
gan dri dyrchafel. ~ ~ ~ ~ ~ ~ ~ ~ ~ ~ ~ ~
P an ladher dyn y sarhaet a delir yn gyn ̷+
taf. ac odyna y werth. kany eỻir ỻad neb
heb y sarhau. namyn heb dyrchafel y telir.
Ny byd dyrchafel ar sarhaet neb o|r a lader.
Y neb a sarhao offeiryat neu a|e ỻado. godefet
gyfreith sened arnaỽ dyeithyr am weli tauot.
Lletty y penteulu yỽ. y ty mỽyaf ym|perued
y dref. kanys yn|y gylch ef y dyly y teulu letty+
aỽ. ual y bont baraỽt y hoỻ negesseu y bren+
hin. Yn ỻetty y penteulu y bydant y bard teu ̷+
lu a|r medyc ỻys. Lletty y distein a|r sỽydoc+
yon gyt ac ef yỽ. y ty nessaf y|r ỻys. kanys efo
a|dyly gỽassanaethu y|r ỻys. ac edrych ar y ge+
gin. Lletty yr offeiryat a|r ysgolheigyon yỽ. ty
caplan y dref. a ỻetty offeiryat y vrenhines gyt
| « p 11 | p 13 » |