Oxford Jesus College MS. 57 – page 164
Llyfr Blegywryd
164
1
messur ỻestyr ỻaeth buch yỽ. naỽ motued yng+
2
hylch y eneu. a their yn|ỻet y waelaỽt. a|seith ar
3
wyr o|r cleis draỽ y|r ymyl yma vyd y uchet. ỻo+
4
neit y ỻestyr hỽnnỽ a delir o vlaỽt keirch ynghy+
5
ueir pob godro y|r vuch hyt wyl giric. odyna
6
hyt aỽst o vlaỽt heid. O aỽst hyt galan gaeaf
7
o vlaỽt gỽenith y telir yn|y messur|hỽnnỽ.
8
G ỽerth ỻo gỽryỽ hyt galan racuyr. chỽech+
9
einyaỽc yỽ. ac o hynny hyt aỽst yn|y
10
dryded vlỽydyn. dỽy geinyaỽc ym|pob tymor a
11
dyrcheif arnaỽ. Kalan racuyr gỽedy hynny dỽy
12
ar|hugeint a|dal. hyt galan chỽefraỽr. pedeir ar
13
hugeint. Eildyd chwefraỽr y|dodir ieu arnaỽ.
14
Ac yna pedeir keinyaỽc cotta a dyrcheif ar y werth.
15
Naỽuettyd chỽefraỽr ot ymeiỻ ac eredic. vn ar
16
bymthec a|dyrcheif arnaỽ dros y deithi. a dỽy
17
geinyaỽc o|r|tymor. ac yna chỽech a|deugeint
18
a|dal hyt galan mei. Hyt aỽst. wyth a|deugeint
19
a|dal. Hyt galan chỽefraỽr. deudec a deugeint
20
a dal. ac yna aỻweith vyd. a hynn a|dyrcheif ar+
« p 163 | p 165 » |