Oxford Jesus College MS. 57 – page 190
Llyfr Blegywryd
190
tyngu bot yn wir pob pỽngk. ỻỽ gỽybydyeit yỽ
gỽybot a gỽelet yr hynn a|dotter yn eu penne.
ỻỽ tyst yỽ; tystu idaỽ gynt. ỻỽ gỽr not yỽ; kyf+
ryỽ ac a|dyngo y ỻofrud yn|y ulaen. ỻỽ reithỽr
araỻ yỽ. yn|debyckaf ganthaỽ bot yn wir yr
hynn a dyngo. ỻỽ ỻofrud yỽ; y wadu hyt y gyr+
rer arnaỽ Hynn o|dynyon a|oetta kyfreith u+
dunt yn|diodor. angheu. a heneint gorweida+
ỽc. neu vriỽ. neu vrath. ny aỻo trugeint*. nac
idaỽ noc* o|e|gennat. neu uordỽy o achaws gỽ+
eilgi. neu gamwynt. y rydhau* a|e edyl ae*
garchar kynnogyn. neu angen arglỽyd.
neu na|ry|glywo y wyssyaỽ. Pob un o|r pethe+
u hynny nyt o bleit yr amdiffynnỽr y maent
y ỻesteiryeu hynny. namyn eu bot yn ang+
heneu gossodedic y myỽn kyfreith. ac ỽrth hynny
nyt ymchoelant ỽy yn|anghyfreith. a|r neb y
bo y dadleu·eu arnaỽ Llyma y ỻeoed y dyly+
ant y keitweit vot. kyntaf yỽ. cadỽ tir a|dae+
ar gan dyn. Eil yỽ; cadỽ kynn coỻ. Trydyd yỽ.
| « p 189 | p 191 » |