Oxford Jesus College MS. 57 – page 192
Llyfr Blegywryd
192
mynnu eilweith y wadu. ny eiỻ y wadu onyt
y tyston a baỻa y|r ỻaỻ. O deir|fford yd a cogeil
ym|breint paladyr; vn yỽ. trỽy odef. kanys go+
def a|dyrr pop kyngaỽs. Eil yỽ o eisseu etiued
kyfreithaỽl o wr. Trydyd yỽ; trỽy y brynu yr
da. kanys y|dryded etiuedyaet* kyfreithaỽl yỽ.
Ny dyly gỽir na|chyfreith vot heb y pedwar
defnyd hynn. arglỽyd kyffredin. ac yngnat
kadeiryaỽc. a|dỽy|bleit gyndrychaỽl. Teithi
treis. ỻef. a chorn. a chỽyn. Seith kynnedyf
kyfreithyaỽl a dyly bot ar yngnat. Mut. a|byd+
ar. Drut a|ỻafar. vuyd. ac ofnaỽc. a|goleithaỽc.
O|r keffir dyn yn|ỻosgi ty yn|ỻedrat a|e daly. bit
eneit·uadeu. Ny byd galanas am leidyr. ac ny
byd ỻyssyant rỽng dỽy genedyl yr y dihenydy+
aỽ. Os gyrr ỻofrudyaeth tan a|daỽ. neu a|vyd
ar dyn yn ỻedrat. ỻỽ dengwyr a|deugeint a|a
arnaỽ. O|r keiff y reith. bit ryd. ony|s|keiff. bit
leidyr gỽerth. O|r deruyd bot amrysson rỽng
deudyn. am geissaỽ creir y damtỽng ac ef. a|bot
| « p 191 | p 193 » |