Oxford Jesus College MS. 57 – page 292
Llyfr Blegywryd
292
lin yr yngnat. a bot yr haỽlỽr a|r mach a|r kynno+
gyn yn|y ỻe. a|holi o|r haỽlỽr. ac atteb o|r amdiffyn+
ỽr. dioer heb ef ny dylyaf|i dy atteb di hediỽ. Sef a+
chaỽs yỽ. gỽedy hanner dyd yỽ hynn. ac ny dylyir
dechreu. kyfreith. gỽedy hanner dyd. ac yna. dywedut o|r
haỽlỽr. dioer heb ef. haỽl mach a|chynnogyn yỽ
honn. ac ar y kyfreith. y|dodaf yn|y ỻe y bo haỽlỽr a|mach
ac amdiffynnỽr rac deulin yngnat. bot yn kyfreith.
diannot honno. kyfreith. a|dyweit yna. pa|le bynnac y
carcharer y gyfreith trỽy amser mal gỽedy han+
ner dyd. neu yn|dydyeu dedon. neu gyfreith. a|dygỽydo
ar sul. neu wyl. neu ar lun. neu am|dir a|daear.
y kynhaeaf a|r gỽanhỽyn. bot yn vch carchar
yr amseroed hynny no haỽl mach a chynnogyn
a|chyn*|ny eỻir eu gỽneuthur yn|yr amseroed hynny.
Jaỽn yỽ eu hannot. Nyt oes achỽysson ereiỻ a|e
hannotto o·nyt tri. corn y brenhin. a|haỽl dreis. a
haỽl ledrat. O|deruyd. bot peth ynghyt rỽng deu·dyn
ac eu bot yn mynnu rannu y·ryngthunt. a|bot
amrysson pỽy a rannei. a|phỽy a|deỽissei ohonunt
| « p 291 | p 293 » |