Oxford Jesus College MS. 57 – page 300
Llyfr Blegywryd
300
y berchenaỽc y ki bot idaỽ kymodaỽc uch y
laỽ. ac araỻ is y laỽ. a gattỽo y vot yn vugeil+
gi. yr eil yỽ. o|deruyd y gi gỽneuthur kyflafan. neu ̷
dỽy neu deir. a|e diheuraỽ am pob un o|r dỽy
neu dalu drostaỽ. ac ar y dryded kyflafan y
holi o|r dyn y gỽneler yr eissiwet idaỽ. a|bot y ̷
perchennaỽc yn mynnu y diheuraỽ. a|r haỽlỽr
yn mynnu profi y vot yn gyneuodic. Y gyfre ̷+
ith a|dyweit dylyu o·honaỽ profi y vot yn gyn ̷+
neuodic os dichaỽn. Y trydyd yỽ. o|deruyd. y|dyn
ỻad ki kyndeiryaỽc. a|e holi o berchennaỽc
y ki. a|dywedut nat oed kyndeiryaỽc. a|r neb
a|e ỻadaỽd yn profi y vot yn gyndeiryaỽc.
kyfreith. a|dyweit y dyly y brofi os dichaỽn. Sef ual
y profir arnaỽ ar y welet yn ymlad a|chỽn. ~
neu yn ymlit dynyon. neu wedy yssu y taua+
ỽt. ac o|r gỽelir hynny arnaỽ. ryd vyd y lad
kyndeiryaỽc vyd. O deruyd. daly dyn y myỽn
brỽydyr. a|bot gỽyr deu arglỽyd yn|y daly
y kyntaf a|dotto y laỽ a·r y karcharaỽr ar+
| « p 299 | p 301 » |