Breudwd Welsh Prose 1300-1425
Cymraeg

NLW MS. Llanstephan 27 (The Red Book of Talgarth) – page 103v

Y Groglith

103v

a henafyeit y bobyl yr|hỽnn a|e rodes udunt trỽy yr arỽyd
honn. Pỽy bynnac heb ef yd elỽyf|i. dỽylaỽ mynỽgyl idaỽ.
hỽnnỽ yỽ ef. delỽch ef. Ac yn|y ỻe dynessau attaỽ a|oruc. a
dywedut ỽrthaỽ. Henpych gỽeỻ athro. a|e gussanu. Ac yna
y dywaỽt iessu. arglỽyd gedymdeith heb ef. y pa|beth y doeth+
ost di. ac yna y doethant ac y dodassant laỽ arnaỽ. ac y da+
lyassant ef. Ac yna y doeth un o|r rei a|oed y·gyt a iessu. a
thynnu cledyf a|oruc. a|tharaỽ clust un o weissyon tywyssy+
aỽc yr offeireit. ac yna y dywaỽt Jessu ỽrth hỽnnỽ. dot
dy gledyf yn|y le. a lado a chledyf a|chledyf y ỻedir. Pony
thebygut ti pei mi a uynnei erchi y|m tat i mỽy no deu+
dec ỻeng o engylyon y|m hamdiffyn. O|r mod hagen y cỽ+
plaer yr ysgruthyr y mae reit y|wneuthur. Ac yna y|dywa+
ỽt ỽrth y toruoed. Megys y dala ỻeidyr y doethaỽch y|m dala i
a chledyfeu ac a|ffusteu. a pheunyd yd oedỽn yn eisted yn|y
demyl. ac y|ch|dysgu. ac ny|m dalyassaỽch. o achaỽs hagen
cỽplau yr ysgruthyr y gỽnaethpỽyt|hyn·ny a|darogan y pro+
ffỽydi. ac yna yd ymadaỽssant y disgyblon oỻ ac ef. ac y ffo+
assant ac ỽynteu a dugant iessu gỽedy y dala hyt att gai+
phas tywyssaỽc yr offeireit. ac y myỽn yd eistedaỽd pedyr gyt
a|r gỽassanaethwyr y edrych y teruyn a vei ar iessu. ac yn
hynny yd|oed tywyssaỽc yr offeireit a|e hoỻ gyngor. yn
keissyaỽ ffalt* dystolyaeth yn|erbyn iessu. Yn|y diwed y doeth deu
ffalst dyston y dywedut. Hỽnn heb ỽy a|dywaỽt. Mi a|aỻaf
distriỽ temyl duỽ yn vn aỽr. ac ar benn y tri·dieu y hadeily+
at drachevyn. Ac yna kyuodes tywyssaỽc yr offeireit y ovyn
idaỽ a oed dim a atteppei y|r|petheu yd|oedit yn|y tystu yn|y erbyn