NLW MS. Llanstephan 27 (The Red Book of Talgarth) – page 145v
Purdan Padrig
145v
yn eu knoi ac eu danned o ansaỽd druan. a seirff tan yng+
kylch mynygleu rei. a breicheu ereiỻ. ac yng|kylch ereiỻ
oỻ. ac yn gỽasgu penneu y rei truein hynny. a|ỻyffein
duon heuyt enryued eu meint. a megys tan a welit yn
eisted ar|dwy·vronn rei ohonunt. ac yn eu brathu yn an+
ffurfeid megys darparu tynnu eu kaỻonneu. Ny orffỽys+
sei y rei truein a a·gorit arnunt ueỻy ac a|godit yn cỽyn+
aỽ ac yn udaỽ vyth. diefyl a|oed yn eu plith ỽynteu ac
arnunt yn rydec ar eu traỽs. ac yn eu poeni yn ỻidiaỽc
dan eu maedu a ffrowyỻeu. ac ny welei ef teruyn ar y ỻe
hỽnnỽ gan y ueint o·nyt ar y let o|r ỻe y dathoed idaỽ. ac
y|r ỻe yd aei drostaỽ. A phan yttoed ef yn mynet ar draỽs y
maes hỽnnỽ y dywaỽt vn o|r diefyl ỽrthaỽ ual|hynn. Ti
a odefy y poeneu a|wely di oỻ o·nyt ymchoely drachefyn
mal y kynghorassam ni ytti. A phan dremygaỽd y march+
aỽc eu kynghoreu ỽy. y medylyassant ỽynteu y dynnu ef
a|r hoelon mal yr oed y ỻeiỻ. ac ual y gelwis ef enỽ Jessu
ny aỻassant ỽy gỽplau dim o|e darpar. Odyna y dugant
ỽy marchaỽc y·gyt ac ỽynt y|r trydyd maes. a hỽnnỽ oed
laỽn o drueni. a|ỻaỽn oed y maes hỽnnỽ heuyt o dyny+
on megys yn gorwed. a hoelyon claerwynnyon trỽydunt
yn|y daear. yn gyn amlet ac nat oed vn votued o warthaf
eu penneu hyt ymlaen byssed eu traet heb hoel. a|r rei
hynny breid y geỻynt leuein. namyn megys dynyon
ym|bronn angeu y clywit y rỽngk yndunt. a|r|dynyon hyn+
ny noethon oedynt. a gỽynt oer yn eu trywanu ac yn eu
ỻosgi. a|r dieuyl yn eu poeni a|r ffrowyỻeu. Ac yna y|dyỽaỽt
| « p 145r | p 146r » |