Breudwd Welsh Prose 1300-1425
Cymraeg

NLW MS. 3035 (Mostyn 116) – page 112r

Brut y Brenhinoedd

112r

A| gỽedy ỻithraỽ naỽ mlyned heibaỽ. A| daruot y arthur
werescyn hoỻ wledi freinc ỽrth y vedyant e| hun. Eff a
deuth elchwyl y baris Ac yno y delhis lys. Ac yno gỽedy
galỽ paỽb o| r yscolheigon a| r ỻeygẏon kadarnhau a| wna+
eth ansaỽd y teyrnas A gossot kyfreitheu A| chadarnhau
hedỽch dros yr hoỻ teyrnas Ac yna y| rodes ef y vydwyr
y| pentruỻyat. normandi a| flandrys. Ac y gei y ben·sỽy+
dỽr y| rodes yr angiỽ a| pheitaỽ a| ỻawer o| wledi ereiỻ y| r
dylyedogyon ereiỻ a oedynt yn| y| wassanaethu. Ac ody+
na gỽedy hedychu a| thagnefedu pop| ỻe o| r dinassoed a| r
pobloed veỻy. Pan yttoed y| gỽanỽyn y* dyuot Arthur
a ymchoeles y ynys prydein. 
A c val yd| oed gỽylua y| sulgỽyn yn dyfot gỽedy y
veint vudugolyaetheu hyny o| pop ỻe. y·gyt a| dir+
uaỽr lewenyd ef a vedylyỽys dala ỻys yn| ynys
prydein. A gỽisgaỽ y goron am y| pen A| gỽahaỽd attaỽ
y brenhined a| r tywyssogyon a oedynt wyr idaỽ o pop
ỻe o| weryscynassei ỽrth enrydedu gỽylua y sulgỽyn
yn vrenhinyaỽl enrydedus. Ac y atnewydu kadarnaf
tagnefed y·rydunt A gỽedy menegi ohonaỽ y vedỽl
y| gyghorwyr a| e annỽylyt ef a| gauas yn| y| gygor dala
y| lys yg|kaer ỻion ar ỽysc. kanẏs o| r| dinassoed kyuoeth+
occaf oed ac adassaf y| r veint ỽylua hono. sef achaỽs
oed o| r neiỻ parth y| r dinas y redei yr auon vonhedic
hono. Ac ar hyt hono y| doynt y brenhinhed a elhynt
dros y| moroed yn| y ỻogeu hyt y| dinas. Ac o| r parth
araỻ gỽeirglodyeu a| foresti yn| y theckau. ac y·gyt
a hyny a·deiladeu a ỻyssoed brenhaỽl yndi o| e myỽn
A| thei eureit megys nat oed yn| y teyrnassoed tref
a gynhebyckit y rufein o ryodres namyn hi Ac ẏgẏt