NLW MS. 3035 (Mostyn 116) – page 149r

iỽg* a|ỻywelyn. Meibon kadỽgaỽn a rys vab ywein a ryderch vab ca+

radaỽc y|rei a oruuant eilweith. ac yna y|bu vrỽydyr pỽỻ gỽdyc. ac

yna y|goruu trahaern brenhin gỽyned ac y|dialaỽd gỽaet bledyn vab

kynuẏn drỽy rat duỽ yr hỽn a|vu waraf a|thrugaroccaf o|r brenhined ac

nyt argywedei y|neb ony|s codic* a|phan godic* o|e anuod y|dialei y codyant

gỽar oed ỽrth y|gereint ac amdiffynỽr ymdifeit a gỽeinon a gỽedwon

a|chedernyt y doethon ac enrydet a grỽndỽal yr eglỽysseu a didanỽch

y|gỽladoed a|hael ỽrth paỽb. aruthyr yn ryfel a hegar ar|hedỽch ac amdif+

fyn y|baỽb. ac yna y|dygỽydaỽd hoỻ teulu rys ac ynteu yn foaỽdyr.

Megys karỽ ofnaỽc ymlaen y|milgỽn drỽy y|perthi a|r chreigeu. ac yn di+

wed y vlỽẏdẏn y|ỻas rys ap hỽel y vraỽt y|gan garadaỽc ap gruffud ac

yna|yd edewis sulyen y|escobaỽt ac y|kymerth y·vraham. ac yna y|dechreu+

aỽd rys ap teudỽr wledychu. ac y|diffeithỽyt mynyỽ yn druan y|gan y

kenedloed ac y|bu varỽ y·vraham escob myniỽ. ac y|kymerth sulyen yr es+

cobaỽt eilweith o|e anuod ac yna y|bu vrỽydyr y|mynyd carn. ac yna y|ỻas

trahaern ab|caradaỽc a|chradaỽc vab y gan gruffud ỽyr iago. ac yscotteit gyt ac

ef yn ganhorthỽy idaỽ. ac y|ỻas gỽrgeneu ap seissyỻ drỽy dỽyỻ gan veibon

rys seis. ac yna y deuth gỽilim bastard brenhin y|saesson a|r freinc a|r

brytanyeit ỽrth wediaỽ drỽy bererindaỽt y vynyỽ. Petwar|ugein mlyned

a mil. oed. oet. crist. pan edewis sulyen y|esgobaỽt y dryded weith ac y|kymerth wilfre

ac yna y|bu varỽ gỽilim bastard tywyssaỽc y|normanyeit a brenhin y

saeson a|r|brytanyeit a|r albanwyr wedy digaỽn o|ogonyant a|chlot y

ỻithredic vyt yma a|gỽedy gogonedusson vudugolaetheu ac enrydef*.